Siabroŭku Abramoviča vinavaciać u rasiźmie i seksiźmie FOTA
Daša Žukava na kreśle ŭ vyhladzie ciomnaskuraj žančyny. Fota Buro 24/7
Kadryravany zdymak, jaki znachodzicca na sajcie ciapier. Fota Buro 24/7.
Siabroŭku rasijskaha aliharcha Dašu Žukavu abvinavacili ŭ rasiźmie. Nahodaj dla hetaha staŭ jaje fatazdymak, vykarystany ŭ jakaści ilustracyi da hutarki z Žukavaj u fešn-błohu Buro 24/7.
Na fatazdymku Žukava siadzić na kreśle, zroblenaha ŭ vyhladzie źviazanaj ciemnaskuraj žančyny. Padliŭ aleju ŭ połymia i toj fakt, što fota źjaviłasia ŭ Dzień Marcina Lutera Kinha, jaki adznačajecca ŭ treci paniadziełak studzienia i jość aficyjnym vychodnym dniom u ZŠA.
Mnohija zachodnija ŚMI nadrukavali hnieŭnyja artykuły, u jakich nazyvajuć učynak vydaŭca rasijskaha kulturnickaha časopisa «Haraž» Žukavaj rasisckim i seksisckim.
Pad ciskam suśvietnaj hramadskaści Buro 24/7 było vymušana skadravać fota — ciapier na im zastalisia tolki nohi ŭ botach na vysokim abcasie — jany vykonvajuć rolu śpinki kresła. Taksama paviedamlajecca, što redaktarka błohu Buro 24/7 vydaliła fatazdymak Žukavaj viarchom na niepalitkarektnym kreśle sa svajho akaŭnta ŭ Instagram.