Pavieł Juchnievič: «U Kijevie adčuvajecca stomlenaść abodvuch bakoŭ»
Biełaruski demakratyčny aktyvist Pavieł Juchnievič ad siońniašniaha znachodzicca ŭ Kijevie, kab vykazać salidarnaść z pratestoŭcami na Majdanie i vulicy Hrušeŭskaha. Jon padzialiŭsia z «Našaj Nivaj» pieršymi ŭražańniami ad znachodžańnia va ŭkrainskaj stalicy.
«Pakul atmaśfiera davoli spakojnaja. Pa maich acenkach, na Majdanie bolš za 20 tysiač čałaviek i niekalki tysiač na Hrušeŭskaha.
Pieršaje, što kidajecca ŭ vočy – heta stomlenaść abodvuch bakoŭ. Złyja i demanstranty, i pravaachoŭniki. Na siońniašni viečar čakajecca niejki ekšn, bo ciapierašni stan rečaŭ nie zadavalniaje baki. Usie nastrojenyja niešta vyrašać.
Byŭ na ŭskrajku Kijeva, dyk tam nie adčuvajecca revalucyjnaha nastroju. Pakul heta ŭsio ž bunt, a nie revalucyja. Ludzi praciahvajuć chadzić na pracu, dziejničajuć amal usie hramadzianskija instytuty.
Što tyčycca Majdanu, to źviartaje ŭvahu arhanizavanaść udzielnikaŭ. Mianie ŭžo pakarmili barščom. Uražvaje čyścinia Majdana Niezaležnaści, śmiećcie adrazu ž prybirajuć. Udzień tut spakojna, pahladzim, što budzie ŭviečary».