U čaćvier pa ŭschodzie krainy tempieratura apuścicca da minus 28, u Minsku — da minus 25
Biełhidramiet papiaredžvaje, što ŭ noč na čaćvier, 30 studzienia, i ranicaj tempieratura pa ŭschodzie krainy panizicca da -25—28 hradusaŭ.
Tancy na lodzie, fota Marius Krivičius
U Minsku ŭnačy i ranicaj u čaćvier prahnazujecca, pavodle pogoda.by, 20—22 hradusaŭ marozu, gismeteo.by daje na ranicu čaćviarha minus 25, a ciaham dnia 30 studzienia — 22—23 hradusy marozu.
Dyskamfort u nadvorji paharšaje i mocny paryvisty chałodny viecier, siońnia nočču jaho paryvy dasiahali 15-16 m/s.
Cikava taksama, što zaraz śniehu bolej lažyć na Homielščynie, tut vyšynia śniežnaha kilima składaje 17—20 sm (20 sm u Brahinie i Vasilevičach), u voś na poŭnačy, u mnohich rajonach Viciebskaj vobłaści, vyšynia śniehu nie pieravyšaje 2—5 sm.