Biełaruś pačała pieramovy ab spraščeńni vizavaha režymu ź ES
Centralnym elemientam vizitu namieśnika ministra zamiežnych spraŭ Aleny Kupčynoj u Brusiel 29—30 studzienia staŭ aficyjny pačatak pieramoŭ pamiž Biełaruśsiu i Jeŭrapiejskaj kamisijaj pa pahadnieńniach ab spraščeńni vizavych pracedur i ab readmisii. Pra heta paviedamiła pres-słužba biełaruskaha MZS.
Na sustrečy z hienieralnym dyrektaram hienieralnaha departamienta ŭnutranych spraŭ JEK Stefana Mansiervizi byli ŭzhodnieny «madalnaści pieramoŭ», nastupny raund jakich adbudziecca ŭ sakaviku ŭ Minsku.
Padčas sustreč Kupčynoj ź jeŭrapiejskim kamisaram pa pašyrenni i jeŭrapiejskaj palitycy susiedstva Štefanam Fiule i dyrektaram departamienta Rasii, Centralnaj Azii, rehijanalnaha supracoŭnictva i ABSIE Jeŭrapiejskaj słužby źniešnich dziejańniaŭ Hunaram Vihandam byli abmierkavany «pierśpiektyvy biełaruska-jeŭrapiejskaha dyjałohu i praktyčnaha ŭzajemadziejańnia pamiž Biełaruśsiu i Jeŭrapiejskim sajuzam», u tym liku ŭdzieł Biełarusi va Uschodnim partniorstvie i techničnaje supracoŭnictva.
Dasiahnuty damoŭlenaści ab pačatku kansultacyj pa pytańniach madernizacyi ŭ metach vyznačeńnia najlepšaj formy budučaha supracoŭnictva pamiž uradam Biełarusi i Jeŭrapiejskim sajuzam u hetaj śfiery ŭ adpaviednaści z parahrafam 29 vynikovaj dekłaracyi Vilenskaha samitu Uschodniaha partniorstva.
Adnosiny Biełarusi ź Jeŭrapiejskim parłamientam byli pradmietam hutarak Kupčynoj ź vice-prezidentam JEP Jacakam Pratasievičam i kiraŭnikom delehacyi JEP pa suviaziach ź Biełaruśsiu Filipam Kačmarakam.
Pra namier Biełarusi pačać pieramovy ź ES ab spraščeńni vizavych pracedur paviedamiŭ na listapadaŭskim samicie Uschodniaha partniorstva ŭ Vilni kiraŭnik MZS Uładzimir Makiej.