Šviejcaryja ŭzakoniła vyrazy «zamiežnaja śvińnia» i «biežaniec dziarmovy»
Fiederalny sud Šviejcaryi nie pryznaŭ vykarystańnie vyrazaŭ «zamiežnaja śvińnia» i «biežaniec dziarmovy» prajavami rasizmu. Pra heta paviedamlaje hazieta Blick sa spasyłkaj na rašeńnie suda.
Takim čynam sud apraŭdaŭ palicejskaha z Baziela, jaki ŭ 2007 hodzie na vystavie hadzińnikaŭ i kaštoŭnaściaŭ zatrymaŭ biežanca z Ałžyra, bo zapadozryŭ jaho ŭ kradziažy. Palicejski apranuŭ na jaho kajdanki i publična vykarystaŭ u jaho adras epitety, jakija stali paśla padstavaj dla sudovaha raźbiralnictva.
Bazielski sud, jaki razhladaŭ hetuju spravu pieršym, pryznaŭ palicejskaha vinavatym u rasiźmie i prysudziŭ jaho da štrafu. Adnak fiederalny sud admianiŭ hety prysud. Na dumku vyšejšaj instancyi, abrazy nie mieli dačynieńnia da etničnaj ci relihijnaj prynaležnaści zatrymanaha.
Bolš za toje, fiederalny sud vyrašyŭ, što vykarystańnie słoŭ «śvińnia» i «dziarmovy» navat u spałučeńni z nazvaj toj ci inšaj nacyjanalnaści nielha ličyć prajavaj rasizmu, pakolki ŭ niamieckaj movie hetyja słovy daŭno i šyroka vykarystoŭvajucca dla hrubaha vyrazu zvyčajnaj niezadavolenaści.