Minabarony Polščy: Pieramiaščeńni vojskaŭ u Polščy nie źviazanyja ź situacyjaj va Ukrainie
Polskaje vojska nie pryviedzienaje ŭ stan pavyšanaj bajavoj hatoŭnaści, bo dla hetaha niama padstavaŭ, paviedamiŭ u aŭtorak pres-sakratar Ministerstva abarony Polščy Tomaš Siemoniak.
Kamientujučy infarmacyju ab pierasoŭvańniach polskich vojskaŭ, jon rastłumačyŭ, što «heta adbyvajecca ŭ ramkach vučeńniaŭ, a nie ŭ suviazi ź situacyjaj va Ukrainie».
«Ministerstva abarony Polščy kateharyčna abviarhaje infarmacyju, jakaja źjaviłasia ŭ ŚMI, ab pieramiaščeńni polskich vojskaŭ, što mahli b być źviazanyja ź ciapierašniaj situacyjaj va Ukrainie. Pieramiaščeńnie techniki i sałdat, pra jakoje infarmujuć ŚMI, maje zvyčajny płanavy charaktar, jano źviazanaje z vučeńniami padraździaleńniaŭ. Realizacyja zadač pa navučańni, jak i miesca praviadzieńnia vučeńniaŭ, nie maje suviazi ź ciapierašniaj vajenna-palityčnaj situacyjaj. Padstavaŭ dla pryviadzieńnia vojska ŭ stan pavyšanaj bajavoj hatoŭnaści nie isnuje», — havorycca ŭ zajavie Ministerstva abarony Polščy.
U toj ža čas, adznačyŭ T. Siemoniak, «my pavinnyja być hatovyja da taho, što hety kryzis nie budzie karotkim, a situacyja budzie napružanaj, i supiarečlivyja paviedamleńni słužać hetamu dokazam».