Marskich piechacincaŭ u Fieadosii zachapili ŭ pałon, vyvieźli sa źviazanymi rukami
Rasijskija śpiecnazaŭcy zachapili ŭkrainskuju častku marskoj piachoty ŭ Fieadosii. Ukrainskija vajskoŭcy ŭziatyja ŭ pałon, u ich źviazanyja ruki, jość traŭmavanyja. Ukrainski ściah źniali.
Kiraŭnik miedyjacentra Minabarony Ukrainy ŭ Krymie Uładzisłaŭ Sielaźnioŭ taksama prainfarmavaŭ: «Pa paviedamleńniach krynic ź Fieadosii z 4.30 u rajonie raźmiaščeńnia bataljona marskoj piachoty čuvać streły, nad častkaj kružyć viertalot».
U 5-j ranicy - «idzie šturm častki», «krynicy paćviardžajuć rabotu pary viertalotaŭ Mi-24 i pary Mi-8», «niekatoryja krynicy śćviardžajuć, što «pracavali» KPVT z BTRaŭ», — infarmavaŭ jon.
Napiaredadni marskija piechacincyi zdali zbroju na skład i zastalisia jaho achoŭvać, išli pieramovy ab dalejšym ich vyvadzie na maciaryk.