U «pałatku» pa homielskaj akruzie abrana doktarka Alena Astapiuk
Pavodle papiarednich źviestak, na paŭtornych vybarach deputata pałaty pradstaŭnikoŭ nacyjanalnaha schodu pa Homielskaj-Navabielickaj akruzie №36 pieramahła kandydat Alena Astapiuk, paviedamili BiełTA ŭ Centrvybarkamie Biełarusi.
Alena Astapiuk — zahadčyca terapieŭtyčnaha adździaleńnia Homielskaj haradskoj palikliniki №1.
U 2012 hodzie deputat tut abrany nie byŭ. Ciapier na vakantnaje miesca ŭ pałacie pradstaŭnikoŭ pretendavali čatyry kandydaty — try vyłučency ad «Biełaj Rusi» i pradstaŭnik Biełaruskaj partyi levych «Spraviadlivy śviet».