Ukraina moža całkam pierakryć miažu z Rasijaj
Ukraina moža całkam pierakryć miažu z Rasijaj, zajaviŭ namieśnik ministra zamiežnych spraŭ Ukrainy Daniił Łubkiŭski na pres-bryfinhu ŭ Kijevie.
Pavodle jaho słoŭ, dla hetaha va Ukrainy jość usie nieabchodnyja srodki i instrumienty.
«Siońnia my bačym napružanuju situacyju biaśpieki na ŭschodzie i poŭdni (Ukrainy). My papiaredžvajem Rasiju nie pierachodzić hetuju čyrvonuju liniju i advieści svaich śpiecyjalnych ahientaŭ, spynić pravakacyi. Heta naš asnoŭny zaklik, heta naša asnoŭnaje patrabavańnie», — skazaŭ jon.
Łubkiŭski adznačyŭ, što ŭ vypadku pačatku pramoj vajennaj interviencyi, adpaviedna buduć dziejničać ŭkrainskija ŭzbrojenyja siły, adpaviedna buduć užytyja i inšyja, u tym liku dypłamatyčnyja instrumienty, dla pieraadoleńnia cituacyi.
U toj ža čas jon adznačyŭ, što Ukraina spadziajecca na mirnaje ŭrehulavańnie kanfliktu.