U Bransku pradajuć padroblenuju «rahačoŭskuju» zhuščonku FOTA
U Bransku pradajuć padroblenuju zhuščonku pad markaj rahačoŭskaj. Niekalki falšyvych słoikaŭ žychar Branska pieradaŭ na AAT «Rahačoŭski MKK».
Śpiecyjalisty pradpryjemstva ź pieršaha pohladu vyznačyli imitacyju. Jany dali niekalki słušnych parad, jak nie trapicca na vudu ašukancaŭ.
Na firmovaj etykietcy na bakavych švach jość nadpis «Aścierahajciesia padrobki!». Na dnie banki vycisnutaja «RAHAČOŬ * BIEŁARUŚ». Akramia taho, na viečku banki štampujecca numar rahačoŭskaha zavoda — «M26». Termin prydatnaści sapraŭdnaj zhuščonki 12 miesiacaŭ. Jaho čaściakom zavyšajuć ašukancy.
Zapomnicie pravilnuju nazva rahačoŭskaha praduktu — zhuščanaje sucelnaje małako z cukram. Darečy, u sapraŭdnym blašanym słoiku vahoj 380 hramaŭ tolki dva inhredyjenty.
Žychary rasijskich rehijonaŭ niaredka sutykajucca z takoj kantrafaktnaj pradukcyjaj, padkreślili ŭ adździele markietynhu kambinata.