Abama znoŭ razmaŭlaŭ z Pucinym
Prezident ZŠA Abama čarhovy raz razmaŭlaŭ z prezidentam Rasii Pucinym.
«Uładzimir Pucin padčas telefonnaj razmovy zaklikaŭ prezidenta ZŠA Baraka Abamu maksimalna vykarystać najaŭnyja ŭ amierykanskaha boku mahčymaści, kab nie dapuścić užyćcia siły i pralićcia kryvi va Ukrainie», — paviedamiła pres-słužba Pucina.
«Z rasijskaha boku padkreślena, što pratestavyja vystupy ŭ Daniecku, Łuhansku, Charkavie, Słaviansku dy inšych haradach ŭkrainskaha paŭdniovaha ŭschodu — vynik niežadańnia i niazdolnaści kiraŭnictva ŭ Kijevie ŭličvać intaresy rasiejskaha i rasiejskamoŭnaha nasielnictva», — paviedamili ŭ Kramli.
«Ciapierašnija ŭkrainskija ŭłady pavinny dumać u pieršuju čarhu pra toje, kab realna ŭciahnuć usie asnoŭnyja palityčnyja siły i rehijony ŭ transparentny praces vypracoŭki novaj kanstytucyi, jakaja harantuje asnoŭnyja pravy i svabody hramadzian, fiederatyŭny ład krainy i jaje pazabłokavy status», — skazaŭ rasijski prezident.
U toj ža čas Abama vykazaŭ zakłapočanaść rasijskim umiašańniem na paŭdniovym uschodzie Ukrainy.