Niamiecki tabłoid: Pucin nie na žart zachapiŭsia Šeran Stoŭn, zakidvaje jaje SMS-kami
Prezident Rasii Uładzimir Pucin užo nie pieršy miesiac šle pałkija tekstavyja paviedamleńni na telefonny numar znakamitaj halivudskaj kinadzivy Šeron Stoŭn, jakaja prasłaviłasia rolaj u kultavym eratyčnym trylery «Asnoŭny instynkt» [i mahčyma, budzie zdymacca ŭ biełaruskim błakbastery «Aviel» — NN], - piša najbujniejšaja niamieckaja hazieta Bild sa spasyłkaj na nienazvanuju siabroŭku aktrysy.
Pa słovach krynicy, uvahu kiraŭnika rasijskaj dziaržavy ciešyć samalubstva 56-hadovaj zorki, adnak jana nie ličyć jaho «asabliva seksualnym».
Šeran Stoŭn i Uładzimir Pucin sustrakalisia asabista 10 śniežnia 2010 na skandalna viadomym dabračynnym viečary, pryśviečanym zboru hrošaj na patreby dziaciej z ankałahičnymi zachvorvańniami. U mierapryjemstvie ŭdzielničali vysokapastaŭlenyja čynoŭniki i zaprošanyja znakamitaści, u tym liku Žerar Depardźjo, Miki Rurk i Šeron Stoŭn.
Uładzimir Pucin, jaki zajmaŭ u hety čas pasadu premjer-ministra, vyjšaŭ na scenu i praśpiavaŭ papularnuju amierykanskuju pieśniu Blueberry Hill, a taksama najhraŭ miełodyju «Z čaho pačynajecca radzima». Zapis jaho vystupu imhnienna trapiŭ u top na YouTube.
Nahadajem, u červieni minułaha hoda prezident Rasii publična paviedamiŭ pra toje, što jaho šlub ź Ludmiłaj Pucinaj raspaŭsia. U krasaviku stała viadoma, što adbyŭsia aficyjny razvod.
Raniej Pucinu ŭžo prypisvali niejkija ramany, jakija da hetaha času nie atrymali paćvierdžańnia.