Praz svaje krynicy ŭ zdymačnaj hrupie «Naša Niva» daviedałasia, što na hałoŭnuju žanočuju rolu ŭ filmie «Aviel» zaprošana aktrysa Šeran Stoŭn.
Heta zorka «Asnoŭnaha instynktu», «Kazino» i «Złamanych kvietak».
Mienavita jana i stanie toj samaj zorkaj kłasa A, prysutnaść jakoj była abaviazkovaj umovaj dla nacyjanalnaha kinaprajekta. Za niekalki zdymačnych dzion aktrysie prapanujuć trochi bolej za paŭmiljona dalaraŭ. Kantrakt jašče nie padpisany.
Pradziusar filma Siarhiej Ždanovič pakul uchilajecca ad dakładnaha adkazu.
«U nas jašče nie abrana aktrysa. Jość niekalki kandydatur, ich možna ŭbačyć u našym fejsbuku. — kaža Ždanovič. — Kaho z kandydataŭ my abiarem, stanie jasna paśla majoj pajezdki ŭ Łos-Andželes. Usia astatniaja infarmacyja — heta zdahadki».
Varta skazać, što Šeran Stoŭn imienavałasia na Oskar za rolu ŭ «Kazino» Marcina Skarseze. Adnak apošnim časa karjera 56-hadovaj aktrysy pajšła na spad. U 2007 hodzie Šeran Stoŭn atrymała «Załatuju malinu» jak «Najhoršaja aktrysa hoda», zaśviaciłasia ŭ rasijskim filmie «Kachańnie ŭ vialikim horadzie — 3».
Pavodle našaj infarmacyi, Šeran Stoŭn chočuć addać rolu amierykanskaj žurnalistki Sary, jakaja jedzie ŭ Biełaruś kab papiaredzić niekalki hučnych złačynstvaŭ.
Mahčyma, uhavaryć halivudskich akcioraŭ źniacca ŭ filmie budzie niaprosta. Reč u tym, što ŭ scenary stužki pravodzicca linija na apraŭdańnie aŭtarytarnych dyktatur, a Alaksandr Łukašenka maje reputacyju apošniaha dyktatara Jeŭropy. A mnohija halivudskija akciory dbajuć pra čyściniu reputacyi.
Pačatkova na rolu Sary płanavali zaprasić Miłu Jovavič, adnak jana zapytała taki hanarar, jaki stvaralniki «Aviela» nie zmahli sabie dazvolić.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary