Zorka «Doktara Chaŭsa» Alivija Uajłd stała mamaj
Znakamitaja halivudskaja aktrysa Alivija Uajłd, jakaja prasłaviłasia dziakujučy roli ŭ sieryjale «Doktar Chaŭs», upieršyniu stała mamaj. Jana naradziła syna.
Navinoj padzialiłasia sama 30-hadovaja mama ŭ svaim mikrabłohu: «Spadarstva! Ocis Alaksandr Sudziejkis pakinuŭ budynak! (budynak — heta ja)». Da paviedamleńnia aktrysa prymacavała čorna-biełuju fatahrafiju, na jakoj možna ŭbačyć patylicu novanarodžanaha chłopčyka i kavałak tvaru samoj Alivii.
Chłopčyk staŭ pieršyncam u siamji Alivii Uajłd i Džejsana Sudziejkisa, jakija žyvuć razam ź listapada 2011 hoda. Akciory paznajomilisia try hady tamu na zdymkach telešou Saturday Night Live.