Načalnik DAI Pinska aryštavany za pieravyšeńnie paŭnamoctvaŭ
Pra heta sa spasyłkaj na aficyjnaha pradstaŭnika USK Rusłana Makaruk paviedamlaje BiełTA.
Kiraŭnik padraździaleńnia DAI padazrajecca ŭ tym, što ŭ lutym 2014 daŭ padnačalenamu jamu pa słužbie supracoŭniku darožna-patrulnaj słužby niezakonnaje ŭkazańnie, jakoje vychodzić za miežy jaho pravoŭ i paŭnamoctvaŭ.
Padazravany znachodzicca pad vartaj. Kryminalnaja sprava pačataja pa č.3 art.426 KK - pieravyšeńnie słužbovych paŭnamoctvaŭ. Dadzienym artykułam praduhledžvajecca pakarańnie ŭ vyhladzie pazbaŭleńnia voli na termin ad 3 da 10 hadoŭ z kanfiskacyjaj abo biez kanfiskacyi majomaści z pazbaŭleńniem prava zajmać peŭnyja pasady abo zajmacca peŭnaj dziejnaściu.