Śpiecyjalist: kali ŭviaduć śpiecimparcioraŭ, čorny rynak kampjutarnaj techniki vyraście da 300 młn dalaraŭ za hod
Śpiecyjalisty krytyčna aceńvajuć prajekt zahada kiraŭnika dziaržavy, jaki raspracoŭvajecca, ab uviadzieńni ŭ krainie instytuta śpiecimparciora.
Tak, u hutarcy z karespandentam BiełaPAN hienieralny dyrektar Asacyjacyi kampanij infarmacyjnych technałohij Dźmitryj Anańjeŭ źviarnuŭ uvahu na niekalki aśpiektaŭ, jakija niehatyŭna adabjucca na ekanomicy krainy.
Pa-pieršaje, pavodle jaho słoŭ, abstalavańnie i kamplektujučyja ŭ śfiery infarmacyjnych technałohij va ŭsim śviecie pastaŭlajucca pa aficyjnych kanałach dystrybucyi, u tym liku i ŭ Biełaruś. «Heta značyć, luby achvotny zrabić heta nie moža, — rastłumačyŭ Anańjeŭ. — Ci isnujuć ustojlivyja haspadarčyja suviazi pamiž vytvorcami i dystrybjutarami, ź jakimi zaklučanyja doŭhaterminovyja damoŭnyja adnosiny. Naprykład, u hetym kvartale zaklučanyja i apłačanyja kantrakty na pastaŭku tavaru, jaki budzie pradavacca ŭ nastupnym kvartale. Što budzie z hetym tavaram u vypadku pryniaćcia zahadu?»
Uviadzieńnie zahadu zrobić niemahčymym pastaŭki pa sietcy dystrybucyi i stymuluje raźvićcio cieniavoha rynku, kanstatavaŭ Anańjeŭ.
Pa-druhoje, adznačyŭ jon, «jość usie mahčymaści, kab viarnucca ŭ 1990-ja hady ŭ dačynieńni da rynku kamputarnaj techniki, kamplektujučych, usioj techniki, źviazanaj ź infarmacyjnymi technałohijami». «Ciapier abjom cieniavoha rynku składaje 60-70% i, na dumku asacyjacyi, aceńvajecca ŭ 167 młn dalaraŭ u hod. My ličym, što z uviadzieńniem instytuta śpiecimparciora hety rynak moža dasiahnuć 300 młn dalaraŭ u hod. Ukaz zabje lehitymnyja sietki dystrybucyi, jakija i tak užo nie vytrymlivajuć cisk čornaha rynku», — skazaŭ Anańjeŭ.
Pa-treciaje, źviarnuŭ uvahu ekśpiert, damoŭnyja adnosiny pamiž dystrybjutarami i vytvorcami niemahčyma ŭstalavać za niekalki dzion. «Zahad razarvie ŭsie haspadarčyja suviazi», - ličyć jon.
«Zahadam pryznačajucca śpiecimparciory, a vytvorcy ničoha pra heta nie viedajuć. I nie fakt, što pa kryterach, pa jakich vytvorcy vybirajuć dystrybjutaraŭ, śpiecimparciory mohuć im padyści», — kanstatavaŭ Anańjeŭ.
Jak paviedamlałasia raniej, zhodna z prajektam zahada ad 1 lipienia 2014 hoda da 1 studzienia 2015 dziaržavie pieradajecca vyklučnaje prava na ažyćciaŭleńnie impartu šerahu tavaraŭ: radyjo-, tele-, videa-i bytavoj techniki, padšypnikaŭ, ruchavikoŭ, sielhastechniki, hruzavych aŭtamabilaŭ, stankoŭ, uboračnaj techniki, liftaŭ, šyn i inšych. Miarkujecca, što ŭ nazvany pieryjad vyklučnaje prava na impart takich tavaraŭ buduć mieć 12 dziaržpradpryjemstvaŭ, a mienavita: Minski padšypnikavy zavod, «Homsielmaš», MZOR, «Biełšyna», Minski matorny zavod, «Mahiloŭliftmaš», «Intehrał», «Atłant», «Haryzont», MTZ, MAZ i Minski elektratechničny zavod imia Kazłova. Pryniaćcie takoha zahadu raspracoŭščyki dakumienta tłumačać nieabchodnaściu abarony ekanamičnych intaresaŭ dziaržavy.