Novaŭviadzieńnie praduhledžana prajektam ukaza prezidenta. Va ŭradzie takuju mieru tłumačać nieabchodnaściu abarony intaresaŭ dziaržavy.
Pavodle prajekta ŭkaza, z 1 lipienia 2014 hoda da 1 studzienia 2015 hoda dziaržavie pieradajecca vyklučnaje prava na ažyćciaŭleńnie impartu šerahu tavaraŭ: radyjo-, tele-, videa- i bytavoj techniki, padšypnikaŭ, ruchavikoŭ, sielhastechniki, hruzavych aŭtamabilaŭ, stankoŭ, uboračnaj techniki, liftaŭ, šyn i inšych.
Miarkujecca, što va ŭkazany pieryjad vyklučnaje prava na impart takich tavaraŭ buduć mieć 12 dziaržpradpryjemstvaŭ, a mienavita: Minski padšypnikavy zavod, «Homsielmaš», MZAR, «Biełšyna», Minski matorny zavod, «Mahiloŭliftmaš», «Intehrał», «Atłant», «Haryzont», MTZ, MAZ i Minski elektratechničny zavod imia Kazłova.
Pryniaćcie takoha ŭkaza raspracoŭščyki dakumienta tłumačać nieabchodnaściu abarony ekanamičnych intaresaŭ dziaržavy.
U pryvatnaści, u abhruntavańni da prajekta ŭkaza adznačajecca: «Manitorynh praktyki prymianieńnia mier dla abarony ŭnutranaha rynku krainy i ajčynnych vytvorcaŭ aŭtamabilnaj, aŭtatraktarnaj, sielskahaspadarčaj i inšaj techniki pakazaŭ, što dziejnym zakanadaŭstvam u niedastatkovaj miery ŭrehulavany pytańni vykanańnia asnoŭnych pryncypaŭ stvareńnia kankurentazdolnaj techniki».
Raspracoŭščyki ŭkaza źviartajuć uvahu na toje, što «pry vytvorčaści ajčynnaj aŭtamabilnaj, aŭtatraktarnaj, sielskahaspadarčaj i inšaj techniki vykarystoŭvajecca šmat impartnych tavaraŭ (kamplektujučyja i materyjały), jakija časta prapanoŭvajucca niadobrasumlennymi pastaŭščykami (padradčykami, vykanaŭcami), a kupla praz pasrednikaŭ upłyvaje na kančatkovuju canu tavaru».
U hetaj suviazi «ŭ metach zadavalnieńnia patrebnaści na ŭnutranym rynku ŭ niekatorych impartnych tavarach u šyrokim asartymiencie, vykanańni bałansu ŭ vykarystańni ajčynnych i impartnych kamplektujučych i materyjałaŭ, dla baraćby ź niadobrasumlennymi pastaŭščykami, abarony ekanamičnych intaresaŭ dziaržavy» prapanoŭvajecca pryniać padrychtavany ŭkaz.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary