Tymčuk: Bajeviki čatyry razy atakavali ŭkrainskija vojski paśla prypynieńnia ahniu
Prezident Parašenka abviaściŭ učora ab prypynieńni ahniu na tydzień jak pieršaj častcy mirnaha płana.
Pavodle apieratyŭnych źviestak hrupy «Infarmacyjny supraciŭ», pačynajučy z 22.00 20 červienia terarysty ažyćciavili šerah napadaŭ na pazicyi sił antyterarystyčnaj apieracyi (ATA).
U pryvatnaści:
— Bajaviki viali minamiotny abstreł u bok Rasijskaj Fiederacyi pa punktach propusku «Izvaryna» i «Uśpienka». Ranieńni atrymali 9 ŭkrainskich pamiežnikaŭ.
— Ź minamiotaŭ i 30-mm artyleryjskaj harmaty abstralanyja pazicyi sił ATA kala Kramatorskaha aeradroma i na hary Karačun. Našy emisary adznačajuć vielmi vysokuju ščylnaść ahniu. Paciarpiełych z boku ŭkrainskaj armii niama.
— Bajaviki, jakija prybyli na dvuch KamAZach rasijskaj vytvorčaści, raspačali sprobu šturmu kamandnaha punkta vajskovaj častki, dysłakavanaj kala nasielenaha punkta Amvrosijeŭka. Ukrainskija vajskoŭcy nie paciarpieli.
— Terarysty abstralali z AHS i minamiotaŭ błok-post sił ATA ŭ rajonie nasielenaha punkta Rubiežnaje i ŭ rajonie Słavianska. Achviar z našaha boku niama.
Usie napadu terarystaŭ byli adbityja. Prycelnym ahniom źniščany ahniavyja kropki bajevikoŭ. Kolkaść zabitych i paranienych najmitaŭ udakładniajecca.