Adyjozny Dźmitryj Kisialoŭ trapiŭ u trojku najlepšych televiadučych Rasii
Viadučy prahramy «Centralnaje telebačańnie» na telekanale NTV Vadzim Takmianioŭ atrymaŭ ŭznaharodu ŭ naminacyi «Viadučy infarmacyjnaj prahramy» rasijskaj premii TEFI, abyšoŭšy svaich kaleh — Dźmitryja Kisialova («Viestki tydnia», «Rasija-1») i Dźmitryja Barysava («Pieršy kanał»).
Taksama «Centralnaje telebačańnie» atrymała pryz jak najlepšaja «Infarmacyjnaja prahrama».
Premiju za lepšaje tok-šou atrymała prahrama «Viačerni Urhant», a jaje viadučy Ivan Urhant byŭ pryznany najlepšym viadučym zabaŭlalnaj prahramy.
Ahułam premii byli ŭručany ŭ 14 naminacyjach. Bolš za ŭsio statuetak - vosiem - dastałasia «Pieršym kanale», na druhim miescy z dvuma TEFI - NTV, pa adnoj statuetcy atrymali «Rasija» i «TB Centr».