Amierykanskaja raźviedka: Boinh źbili bajeviki, ale nie naŭmysna
Vysokapastaŭlenyja čynoŭniki amierykanskaj vyviedki zajavili, što Rasieja niasie adkaznaść za «stvareńnie ŭmovaŭ», jakija pryviali da źbivańnia «Boinha-777» małajzijskich avijalinij, adnak nie pryviali nijakich dokazaŭ pramoha ŭdziełu Rasiei ŭ hetym.
Jak paviedamlaje ahienctva AP, pradstaŭniki amierykanskaj vyviedki byli aściarožnyja ŭ svaich acenkach. Jany adznačyli, što, niahledziačy na toje, što Rasija ŭzbrojvaje sieparatystaŭ na ŭschodzie Ukrainy, ZŠA nie majuć pramych dokazaŭ taho, što rakieta, jakoj źbili pasažyrski samalot, prybyła z Rasii.
Samalot byŭ, imavierna, źbity rakietaj ziamla-pavietra z kompleksu «Buk», vypuščanaj sieparatystami, jakich padtrymlivaje Rasija. Vyviedka spasyłajecca na pierachopy pieramovaŭ, spadarožnikavyja fatahrafii i paviedamleńni ŭ sacsietkach bajevikoŭ, sapraŭdnaść jakich praviarali amierykanskija śpiecyjalisty.
Pa słovach čynoŭnikaŭ, najbolš vierahodnaje tłumačeńnie taho, čamu samalot byŭ źbity — pamyłka bajevikoŭ, jakija pryniali hramadzianski samalot za vajskovy. Amierykanskaja raźviedka adznačaje, što pierad tym sieparatysty źbili 12 ukrainskich latalnych aparataŭ.