Pieradvybarnaja cana
Cana hazu na pačatak 2008-ha składzie $119,5. Pra heta zajaviŭ pieršy vice‑premjer Biełarusi Uładzimier Siamaška na seminary kirujučych rabotnikaŭ respublikanskich i miascovych orhanaŭ ułady.
Uładzimier Siamaška |
Pra heta zajaviŭ pieršy vice‑premjer Biełarusi Uładzimier Siamaška na seminary kirujučych rabotnikaŭ respublikanskich i miascovych orhanaŭ ułady.
Pavodle jaho słovaŭ, pad čas pieramovaŭ mahčyma źnižeńnie hetaj cany na $7‑8.
Patreba Biełarusi ŭ pryrodnym hazie ŭ nastupnym hodzie aceńvajecca ŭ 21,5 młrd kubametraŭ.
Ahladalniki tłumačać takuju fantastyčna nizkuju canu (sama Rasieja budzie zakuplać haz u Turkmienii za 130 dalaraŭ, a cana pastavak dla Ŭkrainy pahražaje skłaści da 200 dalaraŭ) tryma faktarami. Pa-pieršaje, heta cana za maŭčańnie A. Łukašenki pierad rasiejskimi vybarami.
Pa-druhoje, chodziać čutki, što biełaruski ŭrad paabiacaŭ Rasiei pryśpiešyć pryvatyzacyju mazyrskaje i navapołackaje naftachimii ŭ rasiejskija ruki. I pa-treciaje heta płata za palityčny vasalitet Biełarusi, jakoha jana vierna trymałasia navat u časy hazavych kanfliktaŭ. Što charakterna i, mahčyma, daje kluč da razumieńnia, jakaja z versijaŭ pravilnaja, nizkaja cana vyznačanaja na pieršy kvartał 2008 hodu, pry tym što zvyčajna dahetul akreślivałasia cana na ceły hod.