Pradstaŭniki DNR abvierhli ŭvarvańnie va Ukrainu rasijskaj braniatechniki: Heta — našy apałčency
Pa słovach kiraŭnictva samaabvieščanaj «Danieckaj narodnaj respubliki», ukrainskija vajskoŭcy narvalisia pad Novaazoŭskam na apałčencaŭ.
«Nijakaja heta nie rasijskaja technika. Apałčency sprabujuć akružyć častki Nachvardyi z boku Novaazoŭska. Hetyja častki apałčencaŭ z braniatechnikaj byli pierakinutyja ŭ rajon Novaazoŭska ad siała Telmanava»,— skazaŭ pieršy vice-premjer «DNR» Andrej Purhin.
Raniej Rada nacyjanalnaj biaśpieki i abarony Ukrainy paviedamiła, što ranicaj u paniadziełak kałona braniatechniki ŭvajšła na ŭkrainskuju terytoryju z boku miažy z Rasijaj pad Novaazoŭskam Danieckaj vobłaści, adnak była spynienaja ukrainskimi siłami kala nasielenaha punkta Ščarbak — Markina. Pavodle śćviardžeńnia RNBA, u składzie kałony byli 10 tankaŭ, 2 BMP i dva «Urały».