Kamitet sałdackich maci: Va Ukrainie vajuje 15 tys. rasijskich sałdat
Pra heta siońnia, 27 žniŭnia, tielekanału Dožd́ raspaviała kiraŭnik sajuza Kamitetaŭ sałdackich maci Rasii Valancina Mielnikava.
Pa jaje słovach, na ŭkrainskuju terytoryju zaraz adpraŭlajuć nie tolki kantraktnikaŭ, ale i tych, chto prachodzić słužbu na terminovaj asnovie. Pa słovach Valanciny Mielnikavaj, usio heta nahadvaje vajnu ŭ Afhanistanie.
«Nijakich dadzienych niama, — skazała jana. — Bo adtul nichto nie piša, adtul nichto ničoha nie paviedamlaje. Jašče nichto ničoha nie zrazumieŭ, chutčej za ŭsio. Jak havorycca, pa ekśpiertnaj acency, ja dumaju, što tysiač 15 tam, biezumoŭna, chodzić u toj ci inšaj jakaści. Kolki ź ich nie majuć dakumientaŭ vajskoŭcaŭ, a majuć skasavanyja kantrakty ci, jak aficery, u biesterminovym adpačynku ci jašče niejkaje hłupstva, ciažka skazać. Ale tak pa acency, tysiač 15».
U Łuhanskaj vobłaści SBU złaviła 9-j asobnaj motastrałkovaj bryhady Uzbrojenych Sił RF Piatra Chachłova
{POLL#299}