Supracoŭniki SBU zatrymali na Łuhanščynie radavoha 9-j asobnaj motastrałkovaj bryhady Uzbrojenych Sił RF, jakaja dysłakujecca ŭ Rastoŭskaj vobłaści.
Pra heta UNIAN paviedamili ŭ pres-słužbie SBU.
U zajavie havorycca, što zatrymany Chachłoŭ Piotr Siarhiejevič, 1995 h.n., padčas dopytu paviedamiŭ, što jaho vajskovaja častka pieradaje bajevikam z «ŁNR» i «DNR» vajennuju techniku i bojeprypasy.
U pryvatnaści, bajeviki rehularna atrymlivajuć ad Rasii sistemy załpavaha ahniu BM-21 «Hrad», BMP-2, BTR-80.
«Nam raspaviadali, što pieradavali mašyny čačencam», — adznačyŭ Chachłoŭ, dadaŭšy, što paśla techniku pavinny byli atrymać terarysty.
Zatym, pa śviedčańni vajennaha, jaje adpravili ŭ Danieck.
U čas znachodžańnia va Ukrainie Chachłoŭ taksama daviedaŭsia, što bajavikam płaciać pa «150 tysiač [rasijskich rubloŭ — kala 45 młn biełaruskich] u miesiac».
Jak pryznaŭsia vajenny, jany razam z tavaryšam pa častcy vyrašyli pakinuć rasijskuju armiju i vajavać u składzie terarystaŭ.
Kab schavać dačynieńnie US RF da zabieśpiačeńnia terarystyčnych arhanizacyj ciažkim uzbrajeńniem, rasijskija vajskoŭcy pa zahadzie kamandziraŭ fizična źniščali na vajennaj technicy zavadskuju markiroŭku, numary, simvoliku i emblemy - usio, što dazvalała b ŭstanavić jaje pachodžańnie, raspavioŭ vajskoviec.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary