Biełaruś maje namier da kanca hoda pastavić u Rasiju 70 tys. ton syru
Biełaruś maje namier pavialičyć u 1,4 razu pastaŭki małočnaj pradukcyi ŭ Rasiju, u tym liku sa žniŭnia pa śniežań na rasijski rynak pavinna pastupić prykładna 70 tys. ton biełaruskich syroŭ,
paviedamiŭ žurnalistam 28 žniŭnia ŭ Astrachani ministr sielskaj haspadarki i charčavańnia Biełarusi Leanid Zajac, jaki prybyŭ u rasijski rehijon z rabočym vizitam.
«Nam niama nieabchodnaści pavyšać ceny, nam hałoŭnaje prysutničać na rasijskim rynku z našym praduktam. Zapłanavany abjom pa syrach sa žniŭnia pa śniežań — pryblizna 70 tys. ton», — skazaŭ jon.
Pavodle jaho słoŭ, Biełaruś užo pierahladaje svoj asartymient tavaraŭ i navat hatova pieraprafilavać niekatoryja małočnyja pradpryjemstvy. Akramia taho, jana hatova pastavić u Rasiju bolš za 1 młn. ton charčovaj bulby, bolš za 200 tys. ton aharodniny, bolš za 100 tys. ton muki, pavialičyć na 101% pastaŭki miasa.
Ministr padkreśliŭ, što «Biełaruś svoj udzieł na charčovym rynku RF razhladaje jak abaviazkovy».