Prahnoz nadvorja na apošnija dni leta i 1 vieraśnia
U bližejšyja sutki, 30 žniŭnia, dniom miescami, a pa Bresckaj i Hrodzienskaj abłaściach na bolšaj častcy terytoryi projduć karotkačasovyja daždžy, u asobnych rajonach navalnicy.
Nočču i ranicaj miescami słaby tuman. Viecier pieramiennych napramkaŭ umierany.
Tempieratura pavietra minimalnaja nočču +6..+ 12°C, maksimalnaja dniom +15.. + 21°C.
31 žniŭnia nadvorje na terytoryi Biełarusi budzie vyznačać frantalny raździeł, jaki pieramiaščajecca z zachadu na ŭschod.
Nočču miescami, dniom na bolšaj častcy terytoryi, projduć karotkačasovyja daždžy, u asobnych rajonach prahrymiać navalnicy.
1 vieraśnia paŭdniovaja pałova krainy zastaniecca pad upłyvam frantalnaha raździeła, na paŭnočnuju častku krainy pačnie raspaŭsiudžvacca vobłaść pavyšanaha atmaśfiernaha cisku.
Pa paŭdniovaj pałovie Biełarusi projduć karotkačasovyja daždžy. Nočču i ranicaj u asobnych rajonach zhuścicca tuman.
Tempieratura pavietra minimalnaja nočču budzie vahacca ad + 4°C pa paŭnočnym uschodzie da +13.. + 14°C pa paŭdniovym zachadzie krainy,
maksimalnaja dniom składzie +14.. + 20°C, u paŭdniovych rajonach pavietra prahrejecca da +23°C.