Deputat Šłośbierh nakiravaŭ u prakuraturu śpis zahinułych rasijskich desantnikaŭ
Pskoŭski deputat Leŭ Šłośbierh nakiravaŭ hałoŭnamu vajennamu prakuroru Siarhieju Frydzinskamu list sa śpisam rasijskich desantnikaŭ, jak miarkujecca, zahinułych pa-za miescami pastajannaj dysłakacyi ich vajskovych padraździaleńniaŭ.
U pieraliku značacca imiony 12 čałaviek, a taksama ich data naradžeńnia, prybliznaja data śmierci i miesca pachavańnia.
Pavodle źviestak Šłośbierha, jany zahinuli ŭ pieryjad z 12 lipienia pa 3 vieraśnia pa-za miežami miescaŭ pastajannaj dysłakacyi ich vajskovych padraździaleńniaŭ. Deputat prosić ustanavić imiony i abstaviny hibieli ŭsich rasijskich vajskoŭcaŭ za apošnija miesiacy, a taksama vyśvietlić, chto niasie adkaznaść za ich śmierć.
Leŭ Šłośbierh vioŭ niezaležnaje rasśledavańnie pa vypadkach udziełu rasijskich desantnikaŭ u bajach na ŭschodzie Ukrainy.
Jon źjaŭlajecca dyrektaram haziety «Pskovskaja hubiernija», jakaja stała pieršaj, chto apublikavaŭ infarmacyju ab pachavańni dvuch pskoŭskich desantnikaŭ Leanida Kičatkina i Alaksandra Osipava. U kancy žniŭnia na Šłośbierha byŭ ździejśnieny napad.