«Pskoŭskaja hubiernija» apublikavała na svaim sajcie fatahrafii mahił, u jakich, pavodle infarmacyi vydańnia, pachavanyja desantniki Kičatkin i Osipaŭ.
Partał Slon.ru siońnia paviedamiŭ, što na mohiłkach blizu palihona 76-j hvardziejskaj desantna-šturmavoj dyvizii ŭ vioscy Vybuty Pskoŭskaj vobłaści prajšło pachavańnie niekalkich vajskoŭcaŭ.
Krynicy Doždia taksama paćviardžajuć hetuju infarmacyju. Pa słovach krynicy Slon.ru, dźvie śviežyja mahiły na hetych mohiłkach naležać bajcam Kičatkinu i Osipavu.
Pryčyna i miesca hibieli bajcoŭ padčas cyrymonii nie nazyvalisia.
Napiaredadni žurnalist «Russkoj płaniety» Illa Vasiunin datelefanavaŭsia da žonki Leanida Kičatkina i pahavaryŭ ź niejkim čałaviekam, jaki pradstaviŭsia Kičatkinym, paviedamlaje Dožd́.
«Pskoŭskaja hubiernija» — niezaležnaja rehijanalnaja hazieta, jakaja nie naležyć orhanam dziaržaŭnaj ułady, miascovaha samakiravańnia i palityčnym arhanizacyjam. Zasnavana i vychodzić u śviet štotydzień sa žniŭnia 2000 hoda.
Raniej taksama paviedamlałasia, što pskoŭskija desantniki mahli zahinuć u chodzie bajoŭ na Ukrainie, kudy byli pierakinutyja.
Aficyjna ličycca, što rasijskija vajskoŭcy nie biaruć udziełu ŭ kanflikcie na Danbasie.
U svaju čarhu błohier radyjostancyi «Echo Moskva» Alena Vasiljeva siońnia paviedamiła, što ŭ aŭtorak u Pskovie — žałoba.
Zaŭtra ŭ Pskovie žałoba. Ułada sprabuje rastłumačyć miascovamu nasielnictvu, što padčas vučeńniaŭ na palihonie pad Pskovam uzarvałasia niekalki desantnikaŭ Pskoŭskaj desantnaj dyvizii».
«Čutki chodziać roznyja: 10-15 čałaviek. Šajhu śpiešna vylecieŭ u Pskoŭ. Adnačasova 18 žniŭnia prezident Rasii svaim Ukazam N571571 «Ab uznaharodžańni ordenam Suvorava 76-j Hvardziejskaj desantna-šturmavoj Čarnihaŭskaj Čyrvanaściažnaj dyvizii «uznaharodžvaje desantnikaŭ ordenam Suvorava», adznačyła Vasiljeva.
Pavodle jaje słoŭ, orden Suvorava ŭručajecca vyklučna za bajavyja zasłuhi. Heta značyć, u mirny čas atrymać taki orden niemahčyma, tolki kali ŭdzielničaŭ u bajavych dziejańniach.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary