Žychar Hrodna sprabavaŭ uvieźci ŭ Biełaruś rekordnuju partyju hašyšu
Na KPP «Bruzhi» pry ŭjeździe ŭ Biełaruś byŭ zatrymany 41-hadovy hrodzieniec. Jon jechaŭ z Polščy na «KIA-Sarenta», u schavanych paražninach kuzava jakoj vioz 163 kiłahramy narkatyčnaha rečyva.
«Heta zatrymańnie źjaŭlajecca rekordnym u Respublicy Biełaruś za apošnija 10 hadoŭ. Dahetul najbolš bujnoj była partyja hašyšu, kanfiskavanaja ŭ narkakurjera ŭ Breście ŭ pačatku hoda. Jana składała 88 kiłahramaŭ, — kamientuje situacyju namieśnik načalnika UNiSHŁ UUS Hrodzienskaha abłvykankama pałkoŭnik milicyi Dźmitryj Miańkoŭ. - Kab było bolš zrazumieła, pra jakich maštabach kanfiskacyi narkotyku ŭ vyniku vyrazna spłanavanaj i praviedzienaj pravaachoŭnikami apieracyi idzie havorka, pryviadu takuju ličbu: košt adnaho hrama hašyšu na čornym rynku dasiahaje 30 dalaraŭ ZŠA».
Heta złačynstva było vyjaŭlena ŭ chodzie śpiecyjalnaj apieracyi «Kanał-Dalina», jakuju sumiesna pravodzić šerah pravaachoŭnych struktur.
Zaraz adpracoŭvajecca kanał dastaŭki narkotykaŭ.
A ŭ dačynieńni da 41-hadovaha niepracujučaha žychara Hrodna 6 vieraśnia była zaviedziena kryminalnaja sprava pa artykule 328 č.3 Kryminalnaha Kodeksa Respubliki Biełaruś.