U Japonii mocnyja śniehapady: šaściora zahinułych, 1200 čałaviek akazalisia adrezanymi stychijaj
Šaściarych čałaviek pryznali zahinułymi paśla śniežnaj bury, jakaja achapiła mnohija rajony Japonii ŭ minułyja vychodnyja, paviedamlaje Japan Times.
Vyšynia śniežnaha pokryva ŭ niekatorych prefiekturach pieravyšaje adzin mietr. Śniehapady čakajucca i ŭ paniadziełak. Admienienyja avijarejsy.
U hornych rajonach prefiektury Takusima na vostravie Sikoku kala 1200 čałaviek zastalisia adrezanymi, bo z-za mocnaha śniehapadu darohi zabłakavanyja pavalenymi drevami i apoŭźniami.
Kala 1,4 tys. damoŭ zastalisia biez elektryčnaści. Adnaŭleńnie enierhazabieśpiačeńnia ŭskładniajecca ŭmovami harystaj miascovaści.
U liku zahinułych — ludzi, jakich razhuł stychii zaśpieŭ u darozie abo pa-za domam.
U prefiektury Tajama lohki hruzavik źjechaŭ u raku. U im znachodzilisia mužčyna i žančyna, abodva byli va ŭzroście 78 hadoŭ. Jany zmahli vybracca na bierah, ale zahinuli pad hłybokim śnieham. Ich cieła znajšła palicyja niepadalok ad aŭtamabila.
U subotu dvoje mužčyn byli pryznanyja zahinułymi paśla taho jak ich cieły byli znojdzienyja pablizu viaršyni 1133-mietrovaj hary Kotsu ŭ prefiektury Takusima na vostravie Sikoku. Ich cieła zaŭvažyli ź viertalota ratavalniki. Zahinułych apaznali. Heta 43-hadovy hałoŭny śviatar i 83-hadovy słužačy chrama. Ranicaj u piatnicu abodva jany vyjechali z domu la padnožža hary, kab dabracca da chrama, raźmieščanaha na viaršyni. Potym pajšli pieššu i zahinuli.
Jašče dvoje mužčyn, 62-ch i 80-ci hadoŭ, byli znojdzienyja, pachavanymi pad śniežnymi hurbami.