Abžorstva sa strachu dapamahaje cvyrkunam ratavać žyćcio
Niamieckija zaołahi vynajšli, što cvyrkuny ad strachu nie hublajuć masu, a nabirajuć jaje, i heta padvyšaje ich šancy vyžyć pry sustrečy z drapiežnikam, pieradaje «Obrazovač» sa spasyłkaj na daśledavańnie, apublikavanaje ŭ časopisie Ecological Entomology.
Fota: weimag.cn
Zvyčajnaja reakcyja pazvanočnych na prysutnaść drapiežnikaŭ – niepakoj, stres i strata vahi. Inšaja sprava – cvyrkuny Nemobius sylvestris, jakija sa strachu pačynajuć nabirać vahu.
Navukoŭcy pamiaścili cvyrkunoŭ u insiektaryjumy ź nieabmiežavanymi charčami. U adnym było čysta, u druhim raniej žyŭ pavuk, pach jakoha jašče zachoŭvaŭsia. Praz try dni «spałochanyja» cvyrkuny nabrali vahu, pavialičyŭšy zvyčajnuju «dyjetu» na 70%. Toje, što heta abarončaja reakcyja, paćvierdziŭ nastupny ekśpierymient.
Na treci dzień adkormu ŭ insiektaryjumy pamiaščali žyvych pavukoŭ, jakija palujuć na cvyrkunoŭ. «Spałochanyja» abžory lepiej vyžyvali, pakazaŭ ekśpierymient.