Jarmošyna: 90-ja — nikoli bolej
«Dumaju, što nastroj 90-ch nikoli bolš nie paŭtorycca. Prynamsi, u ahladnaj budučyni», — ličyć kiraŭnica Centravybarkamu Lidzija Jarmošyna.
Na parłamienckich vybarach 2008 hoda vybarščyk padtrymaje pieradusim aficyjny kurs, što budzie jamu prapanavany napiaredadni. Takoje mierkavańnie ŭ intervju BiełaPAN vykazała staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna.
Biełaruski vybarščyk, ličyć jana, «u cełym zadavoleny svaim žyćciom i vybiraje stabilnaść». Razam z tym, zaznačyła kiraŭnik CVK, nastroj vybarščyka mianiajecca štodnia. «Heta źviazana z mnohimi faktarami, pačynajučy z nadvorja i zaviaršajučy najaŭnaściu abo adsutnaściu śviata. Naprykład, źjaŭlajecca pastanova ab pavieličeńni taryfaŭ na elektraenierhiju — zrazumieła, u vybarščyka niekalki psujucca adnosiny da dziaržavy. Nadychodzić 9 maja — u vybarščyka patryjatyčny paryŭ», — skazała Ł. Jarmošyna.
U suviazi z hetym havaryć pra pieravahi niemahčyma. «Tym nie mienš, dumaju, što nastroj 90-ch nikoli bolš nie paŭtorycca. Prynamsi, u ahladnaj budučyni. Ludzi jašče pamiatajuć svajo rasčaravańnie, što pryniesła im ejfaryja pierabudovy. Spačatku ejfaryja, a paśla strata hrošaj i h.d.», — nahadała kiraŭnik CVK.