Kantralory ŭ Minsku stanuć nieprykmietnymi dla «zajcoŭ»
Z 10 studzienia ŭ kantraloraŭ minskaha transpartu źjaviacca novyja kamizelki — jany buduć absalutna niakidkija. Paviedamleńni pra novaŭviadzieńni ŭžo źjavilisia ŭ naziemnym transparcie Minska.
Karystalnik Tvitara Johnny_HaRD sfatahrafavaŭ adnu z takich abjavaŭ. U buklecie ad «Minsktransa» — uzor novaj formiennaj kamizelki kantralora. Kamizelki stanuć bolš ciomnaha siniaha koleru, ź ich źniknuć sałatavyja pałoski i bujny łahatyp «Minsktransa» jak ź piaredniaj častki kamizelki, tak i sa śpiny. Zastaniecca tolki nievialiki bejdž na levym baku kamizelki.
Ciapier kantralory stanuć jašče mienš prykmietnymi dla «zajcoŭ», što nie prabili tałončyk.
Kamientar z nahody zamieny formiennych kamizelek u samim «Minsktransie» pakul atrymać nie ŭdałosia.