2014 hod pabiŭ usie tempieraturnyja rekordy
Minuły hod staŭ samym ciopłym z momantu pačatku nazirańniaŭ u 1880 hodzie, paviedamlaje NASA.
Navukoŭcy padkreślivajuć: tendencyja paciapleńnia doŭhaterminovaja. Nazirańni paćviardžajuć hłabalnuju źmienu klimatu. Z 1880 hoda siaredniaja tempieratura na płaniecie pavialičyłasia na 0,8 hradusy Celsija, a 2014 hod byŭ na 0,6 hradusy ciaplejšym za siaredniuju tempieraturu XX stahodździa.
Hałoŭnaj pryčynaj paciapleńnia nazyvajucca parnikovyja hazy, kancentracyja jakich dasiahnuła ŭ 2013 hodzie rekordnaha značeńnia. Pryčyna taho — dziejnaść čałavieka.
Adchileńni ad siaredniaj tempieratury ŭ 2014 hodzie. Vyjava: NASA
Paciapleńnie adbyvajecca nie raŭnavažna pa płaniecie. U minułym hodzie tempieratura pa ŭschodnim uźbiarežžy i centry Paŭnočnaj Amieryki dy pa ŭsioj Antarktydzie była zaŭvažna nižejšaj za normu.