Dziaŭčyna paprasiła siabra pamianiać 12 tys. dalaraŭ, jon pahadziŭsia — i prajhraŭ usie hrošy ŭ kazino
U Partyzanski RUUS Minska źviarnułasia dziaŭčyna, jakaja davieryła znajomamu bujnuju sumu ŭ valucie. Chłopiec uziaŭ hrošy i źnik.
Minčanka była znajomaja z maładym čałaviekam bolš za hod, jany padtrymlivali siabroŭskija stasunki.
Dziaŭčynie spatrebiłasia terminova zrabić uniosak na budaŭnictva žylla. Pakolki ŭ samoj volnaha času nie było, a źbieražeńni zachoŭvalisia ŭ valucie, jana paprasiła siabra abmianiać 12 tys. 300 dalaraŭ na biełaruskija rubli. Toj pahadziŭsia dapamahčy, uziaŭ hrošy i źnik.
Jak paźniej vyśvietlili supracoŭniki Partyzanskaha RUUS, čužyja hrošy małady čałaviek prajhraŭ u kazino. U dačynieńni da jaho zaviedziena kryminalnaja sprava pa artykule «Prysvajeńnie abo rastrata». Pravodzicca rasśledavańnie.