Rasija raspracuje bieśpiłotny «Kamaz»
Bieśpiłotny hruzavik musić źjavicca na darohach u 2025 hodzie, pieradajuć «Viedomosti».
Fota: Kamaz
Raspracoŭkaj aŭtamabila supolna zojmucca «Kamaz» i IT-kampanija Cognitive Technologies. «Kamaz» užo niekalki hod vyvučaŭ mahčymaść vytvorčaści bieśpiłotnaha hruzavika, pa słovach hiendyrektara pradpryjemstva, u Cognitive Technologies jość «patrebny patencyjał». Prajekt padtrymany Ministerstvam pramysłovaści i handlu.
«Kamaz» prapanuje dziaržavie ŭkłaści ŭ prajekt 12 młrd rubloŭ.
Zatraty na navukova-daśledčuju pracu aceńvajucca ŭ 5-6 młrd rasijskich rubloŭ (72-86,5 młn dalaraŭ na momant publikacyi), jašče 12 młrd rubloŭ (173 młn dalaraŭ) spatrebicca na arhanizacyju sieryjnaj vytvorčaści.
Pakul pahadnieńni z patencyjnymi klijentami nie zaklučanyja. Acenku prajektu ŭskładniaje adsutnaść pravavoj bazy, što dazvalała by ekspłuatavać bieśpiłotnyja aŭto ŭ Rasii.
Čytajcie taksama: Google pradstaviła poŭnafunkcyjanalny bieśpiłotny aŭtamabil