Dalej biaz nas
Biełaruskaja zbornaja pakidaje čempijanat Eŭropy pa handbole, prajhraŭšy ŭsie try matčy.
Na čempijanacie Eŭropy pa handbole, što prachodzić u Narvehii, biełaruskaja zbornaja praviała apošni matč. U niadzielu im supraćstajała zbornaja Vuhorščyny.
Našy handbalisty prajhrali ź likam 26:31 (pieršy tajm 16:18). U pačatku druhoha tajmu biełarusy skaracili razryŭ da adnaho miača (19:20), ale potym madziary znoŭ pajšli ŭ adryŭ, ŭ kancy matčy davioŭšy jaho da siami miačoŭ.
Nahadajem, što ŭ pieršym matčy biełarusy prajhrali čempijonam śvietu zbornaj Niamieččyny – 26:34, a ŭ subotu zbornaj Hišpanii – 31:36.
Try parazy, i zbornaja pakidaje čempijanat, u nastupny raŭnd prajšli zbornyja Niamieččyny, Hišpanii i Vuhorščyny. Darečy za niemcaŭ, čempijonaŭ śvietu, hulaje były hulec biełaruskaj zbornaj Andrej Klimaviec.