U Homieli matacykł biez kiroŭcy źbiŭ dźviuch dziaŭčat na tratuary
Avaryja adbyłasia 11 sakavika na vulicy Aharenki.
Pavodle papiaredniaj infarmacyi, aŭtamabil «Subaru-Farestar» pry vyjeździe z druharadnaj darohi na hałoŭnuju ździejśniŭ sutyknieńnie pa datyčnaj z matacykłam «Chonda», jakim kiravaŭ 34-hadovy mužčyna, jaki ruchaŭsia pa krajniaj pałasie.
Ad udaru matacykł adkinuła naprava. Kiroŭca ŭpaŭ na prajeznuju častku, a transpartny srodak praciahnuŭ ruch pa iniercyi za miežami prajeznaj častki. U vyniku matacykł źbiŭ dźviuch dziaŭčat.
U balnicu špitalizavana troje paciarpiełych: kiroŭca i dvoje piešachodaŭ.
Adna ź dziaŭčyn znachodzicca ŭ ciažkim stanie.
Pa dadzienym fakcie pracujuć śledčyja orhany.