U Minsku na aŭkcyjonie pradali ciepłachod za 160 młn
Startavaja cana ciepłachoda «Śviataja Nadzieja» składała 16 403 768 rubloŭ.
minsknews.by
Minski haradski centr nieruchomaści vystaviŭ na aŭkcyjon ciepłachod 1953 hoda vypusku, paviedamlaje «Minsk-Naviny». «Śviataja Nadzieja» maje ŭdoŭžki 20 mietraŭ i ŭšyrki 4 mietry.
Ciepłachod «Śviataja Nadzieja» syšoŭ da nienazvanaha pakupnika pa canie, vyšejšaj za startavuju ŭ 10 raz. Novy ŭładalnik źbirajecca adramantavać karabiel i zrabić jaho prahułačnym.
«Śviataja Nadzieja» patrabuje surjoznaha ramontu, u tym liku zamieny ruchavika i vinta. Tolki na heta novamu ŭładalniku pryjdziecca patracić kala 200 młn.
Pa ramoncie, jaki moža zavieršycca ŭžo da 3 lipienia, «Śviataja Nadzieja» budzie vykarystoŭvacca dla vodnych prahułak i karparatyvaŭ. Na im ustalujuć stoliki dy abstalavańnie dla pačastunku kavaj i harbataj. Prahułki buduć startavać z pryčału kala akvaparku «Labiažy».