Top-100 samych upłyvovych biełarusaŭ. 39. Siarhiej Rumas
39 (59). Siarhiej Rumas
Staršynia praŭleńnia Banka raźvićcia.
Adzin ź niamnohich biełaruskich čynoŭnikaŭ, jakija vyklikajuć pazityŭnaje staŭleńnie ŭ hramadskaści. Šmatdzietny baćka, razumny, abajalny… Ale Rumasu nie chapaje śmiełaści i ambicyj — usio ž sam admoviŭsia ad vysokaj pasady vice-premjera.
Stvaryć Bank raźvićcia zaklikaŭ Mižnarodny valutny fond. Dziaržaŭnyja prahramy psavali spravazdačnaść «Biełarusbanku» i inšym bankam, tamu MVF raiŭ «paviesić» ilhotnyja kredyty na inšuju finansavuju ŭstanovu. Bank
raźvićcia zadumvaŭsia jak ustanova, praź jakuju išli b biudžetnyja hrošy. Ale Rumas i tut dasiahnuŭ efiektyŭnaści. U vyniku jahony Bank raźvićcia ŭvachodzić u trojku samych prybytkovych kampanij krainy.
Cytata
«Rasija nie mieła prava abmiažoŭvać pastaŭki pradukcyi biełaruskich pradpryjemstvaŭ na ekspart… Heta nielha pakidać biez uvahi».
Cniežań 2014
Abjektyŭka
Nar. u 1969 u Homieli. Skončyŭ Jarasłaŭskaje vyšejšaje vajskovaje finansavaje vučylišča (1990) i Akademiju kiravańnia (1995). Pracavaŭ u Dziaržbanku SSSR, kamiercyjnych bankach Biełarusi. Namieśnik staršyni praŭleńnia «Biełarusbanka» (2002—2005), staršynia praŭleńnia «Biełahraprambanka» (2005—2010), vice-premjer (2010—2012), staršynia praŭleńnia Banka raźvićcia (z 2012). Staršynia Biełaruskaj fiederacyi futboła. Žanaty, čaćviora synoŭ.
* * *