36 (56). Alaksandr Mašenski
Ułaśnik kampanij «Santa-Bremar» i «Savuškaŭ pradukt».
Hałoŭny biznesmien Brestčyny prajšoŭ pa lazie ŭ 2012-m, kali jahonaje imia stajała nastupnym u śpisie «kašalkoŭ Łukašenki», suprać jakich mierkavałasia ŭvodzić sankcyi Jeŭrasajuza. Dla Mašenskaha, jaki zajmajecca pastaŭkami ryby z Zachadu, heta mahło stać niepryjemnym udaram. Ale abyšłosia.
Nieŭzabavie Mašenski nabyŭ zavod u Padmaskoŭi. A dziakujučy zabaronie na impart jeŭrapiejskaj pradukcyi ŭ Rasii, jašče pavialičyŭ dolu na rynku ŭschodniaha susieda.
Rybny biznes byŭ zasnavany baćkam miljaniera, Michaiłam Mašenskim. Alaksandr zdoleŭ razharnuć jaho, nabyŭšy małočnuju vytvorčaść. «Savuškaŭ» lidziruje na rynku, choć utvaryć na jahonaj bazie ahulnabiełaruski chołdynh nie ŭdałosia. Ciapier bresckaje małako skaraje jeŭrapiejski rynak, atrymaŭšy patrebnyja siertyfikaty jakaści.
Cytata
«Dumaju, Biełaruś vierniecca ŭ Jeŭropu razam z Rasijaj».
Žnivień 2014.
Abjektyŭka
Nar. u 1970 u Breście. Skončyŭ miechanika-matematyčny fakultet BDU. Ułaśnik kampanij «Santa-Bremar» i «Savuškaŭ pradukt». Staršynia Biełaruskaj fiederacyi viesłavańnia. Hanarovy konsuł Isłandyi ŭ Biełarusi. Žanaty, maje dźviuch dačok.
* * *
Kamientary