Michałkoŭ i Kančałoŭski paprasili ŭ Pucina miljard na nacyjanalnaje hramadskaje charčavańnie
Julija Vysockaja, kommersant.ru
Režysiory Andrej Kančałoŭski i Mikita Michałkoŭ paprasili ŭ prezidenta Uładzimira Pucina dapamohi ŭ stvareńni nacyjanalnaj sietki kafe hramadskaha charčavańnia pad brendam «Jedim doma!», vydatki na zapusk jakoj aceńvajucca ŭ 971,8 młn rubloŭ.
Hazieta pryvodzić vytrymki ź lista, jakoje aŭtary idei nakiravali Pucinu ŭ siaredzinie sakavika: «Meta hetaha prajekta - sadziejničać impartazamiaščeńniu i stvareńniu alternatyvy zachodnim sietkam fastfudu». Tvaram novaj sietki kafe režysiory prapanujuć zrabić žonku Kančałoŭskaha — televiadučuju Juliju Vysockuju, jakaja vałodaje adnajmiennym brendam.
Hetak surjoznyja inviestycyi ŭ prajekt aŭtary raźličvajuć viarnuć mienš čym za piać hadoŭ. U ramkach prajekta pa ŭsioj krainie budzie stvorana sietka mahazinaŭ-kafe, asartymient jakich budzie składacca na 30-40% ź miascovych praduktaŭ. Ustanovy sietki prapanujecca zrabić pastaŭščykami charčavańnia dla sacyjalnych ustanoŭ, u tym liku dziciačych damoŭ i internataŭ.
Pačać realizacyju prajekta režysiory płanujuć u Maskoŭskaj i Kałužskaj abłaściach, dzie buduć pabudavany dźvie fabryki-kuchni i adkryty 41 kafe i 91 kulinaryja. «Uličvajučy sacyjalna-palityčny charaktar prajekta … prosim daručyć ažyćciaŭleńnie prajekta «Jedim doma» uradu RF », — reziumujuć Kančałoŭski i Michałkoŭ.