Siońnia ŭ Łošyckaj siadzibie adkryjecca muziej
Rekanstrukcyja pomnika ciahnułasia z 2008 hoda.
Sučasny vyhlad Łošyckaj siadziby. Fota: Vieranika Małakova, minsknews.by.
Uračystaje adkryćcio Łošyckaj siadziby adbudziecca siońnia, 29 krasavika a 17:00, paviedamili «Našaj Nivie» supracoŭniki muzieja.
U minułym hodzie zavieršyłasia restaŭracyja siadziby, raspačataja ŭ 2008 hodzie, kali siadziba była ŭ avaryjnym stanie. Padčas rekanstrukcyi častka siadziby była razabranaja, zatym jak kanstruktar sabranaja nanoŭ.
Łošcykaja siadziba — pomnik architektury XVIII—XIX stahodździaŭ. Sučasny vyšlad, jak śćviardžaje dyrektar muzieja, nabližany da kanca XIX stahodździa, kali siadziba naležyła Jaŭstachu Lubanskamu i była centram žyćcia minskaj arystakratyi.
Rekanstrukcyja Łošyckaj siadziby. Fota Alesia Pileckaha.
Łošyckaja siadziba da rekanstrukcyi. Fota: minchanin.esmasoft.com.
Jaŭstach Lubanski adrestaŭravaŭ siadzibu ŭ styli ruskaha madernu, zbudavaŭ dvuchpaviarchovy flihiel, brovar na bierazie raki, karčmu i kamienny młyn.
Muziej u Łošyckaj siadzibie paznajomić z raźvićciom Łošycy ad X stahodździa da našych dzion, u siadzibie maje adkrycca vystava «Duch času i raskošy» z kalekcyi Ihara Surmačeŭskaha, jana prademanstruje modu i styl 1820-1920-ch hadoŭ.
Muziej budzie adkryty z 11 da 19 hadziny, vychodnyja — paniadziełak i aŭtorak.