Infarmacyja pra miesca i čas pachavańnia Kaciaryny Łukašenka pakul nie abviaščajecca
Na imia Alaksandra Łukašenki «pastupajuć šmatlikija spačuvańni ź Biełarusi i z-za miažy ŭ suviazi sa śmierciu jaho maci», paviedamiła BiełaPAN pres-sakratar prezidenta Natalla Ejsmant.
Pavodle jaje słoŭ, «infarmacyja pra miesca i čas pachavańnia nie abviaščajecca».
Jak paviedamlałasia raniej, u suviazi sa śmierciu maci Łukašenka pieranios na dva dni svoj aficyjny vizit u Pakistan: zamiest 26—27 maja jon adbudziecca 28—29 maja.
Maci kiraŭnika dziaržavy Kaciaryna Trafimaŭna Łukašenka naradziłasia ŭ 1924 hodzie ŭ Škłoŭskim rajonie Mahiloŭskaj vobłaści. Pavodle nieaficyjnaj infarmacyi, apošnim časam žyła ŭ prezidenckaj rezidencyi «Drazdy».
Nie vyklučana, što Kaciaryna Łukašenka budzie pachavanaja ŭ vioscy Aleksandryja Škłoŭskaha rajona (u 2006 hodzie vioska była pieraŭtvoranaja ŭ ahraharadok), dzie na miascovych mohiłkach užo jość pachavańni svajakoŭ Łukašenki.
Darečy, u mai 2014 hoda ŭ intervju rasijskamu telekanału «Dožd́» Alaksandr Łukašenka pryznaŭsia, što chacieŭ by być pachavanym na radzimie. «Ja bolš schilajusia da taho, kab mianie pachavali ŭ majoj rodnaj vioscy. Heta bolš spakojnaje miesca dla mianie», — skazaŭ jon.