Dziaržkantrol znajšoŭ u školnych stałoŭkach Lidy stafiłakoki i kišačnuju pałačku
Kambinat školnaha charčavańnia ŭ Lidzie kormić amal 12 tysiač navučencaŭ siarednich navučalnych ustanoŭ rajcentra. Kamisija Dziaržkantrolu pravieryła charčabłoki školnych stałovych. Vynik šakavaŭ, začynić pryjšłosia piać ź piaci abjektaŭ.
U škołach №8 i №17 vyjavili załacisty stafiłakok, hrupu bakteryj kišačnaj pałački i prusakoŭ. Pałova hatovych porcyj padčas pravierki apynułasia značna lahčej za patrebnuju vahu. A dziasiataja častka «čystaha» posudu ŭ školnych stałovych pa vynikach łabaratornych analizaŭ była adpraŭlena paŭtorna na myjku.
Maryja Ruŭkina, zahadčyca adździaleńnia Hrodzienskaha abłasnoha centra hihijeny, epidemijałohii i hramadskaha zdaroŭja: «Navat u elemientarnych pytańniach, jakija nie patrabujuć finansavych vydatkaŭ — navieści paradak, pamyć abstalavańnie, taru, invientar, pamiaškańnie — jość parušeńni».