Za piać hadoŭ brakańjery vyniščyli pałovu słanoŭ Mazambika
Nie mienš za 50% usioj papulacyi słanoŭ Mazambika zahinuli ad ruk brakańjeraŭ i kantrabandystaŭ słanovaj kości za apošnija piać hadoŭ, zajaŭlajuć amierykanskija zoaabaroncy z Wildlife Conservation Society.
phys.org
Na dadzieny momant pahałoŭje najbujniejšych suchaputnych žyvioł u paŭdniovaafrykanskaj dziaržavie ledźvie pieravyšaje 10 tysiač asobin.
Na małanasielenaj poŭnačy krainy straty asabliva adčuvalnyja: na hetuju častku Mazambika prychodzicca 95% strat papulacyi.
Pavodle dadzienych Wildlife Conservation Society, brakańjery prybyli ŭ Mazambik z poŭnačy z susiedniaj Tanzanii, dzie stan papulacyi afrykanskich słanoŭ taksama vyklikaje aściarohi ŭ ekołahaŭ i zaołahaŭ.
Kantrabandysty nielehalna vyvoziać słanovuju kość u Aziju, dzie jana idzie na ŭpryhažeńni, statuetki i alternatyŭnuju miedycynu.
Na ŭsim afrykanskim kantyniencie štohod ad ruk brakańjeraŭ hinie da 30 tysiač słanoŭ.