Staršynia Mahiloŭskaha harvykankama zahadaŭ viazać vieniki
Pavodle staršyni Mahiloŭskaha harvykankama Uładzimira Cumarava, na vienikach možna zarabić niebłahija hrošy.
Na adnoj z naradaŭ u harvykankamie kiraŭnik horada dakaraŭ kiraŭnictva miascovaha pradpryjemstva «Zielanbud», što jano, majučy syravinu dla vienikaŭ, nie rupicca ich viazać.
Pavodle Cumarava, mahiloŭski «Harvadakanał» vymušaje nabyvać u pryvatnikaŭ dla haradskoj łaźni vieniki pa 15 tysiač rubloŭ za štuku. Cumaraŭ ličyć, što hetuju nišu mahło zaniać dziaržaŭnaje pradpryjemstva.
«Čamu siońnia «Zielanbud» nie viaža vieniki i nie daje ich našamu pradpryjemstvu? Voś dzie hrošy lažać, — davodziŭ na naradzie Cumaraŭ. — Narežcie halla, pryviazicie na svaju bazu, navučycie ludziej i niachaj čałaviek, jaki siadzić na dziažurstvie, vartaŭnik, siadzić i viaža vieniki. Dadatkova zarablaje hrošy».