U Pietrykaŭskim rajonie 24-hadovy chłopiec skinuŭsia z vyški sotavaj suviazi
24-hadovy žychar Pietrykaŭskaha rajona, jakoha z 12 červienia šukali milicyja i vałanciory, skončyŭ samahubstvam, skinuŭšysia z vyški sotavaj suviazi.
Jak paviedamiŭ načalnik adździeła infarmacyi i hramadskich suviaziaŭ UUS Homielskaha abłvykankama Andrej Maziepin, cieła maładoha čałavieka znajšli kala vyški sotavaj suviazi za horadam. Pry pošuku chłopca vyvučalisia jaho akaŭnty ŭ sacyjalnych sietkach. Raniej małady čałaviek pierapisvaŭsia ź siabram z Hiermanii i vykazvaŭ namier znajści vysokuju vyšku i ŭčynić suicyd.
Pavodle słoŭ Maziepina, pry zahinułym znajšli pašpart, u jakim byŭ zapis «prašu nikoha nie vinavacić», a taksama paviedamleńnie, što na vyšcy zastaŭsia čamadančyk ź pieradśmiarotnaj zapiskaj. Pra źmiest pieradśmiarotnaj zapiski pakul nie paviedamlajecca. Pravodzicca pravierka pa fakcie hibieli maładoha čałavieka.