Na sajcie minskaha Dynaparku Biełaruś dałučyli da Mordara SKRYNŠOT
U minułuju piatnicu, na terytoryi zaaparka ŭ Minsku, adkryŭsia Dynapark. Zapracavaŭ i sajt «parka dynazaŭraŭ».
Karystalniki sacyjalnych sietak adrazu ž źviarnuli ŭvahu na dziŭnuju mapu, źmieščanuju na sajcie.
Heta mapa Jeŭropy, adnak nazvy krain uziatyja ź viadomaj tryłohii «Uładar piarścionkaŭ». Skandynavija paznačanaja jak Rochan, Niamieččyna — jak Hondar, a ŭsia ŭschodniaja častka (hruba — krainy byłoj Varšaŭskaj damovy) — jak Mordar. Traplaje tudy i Biełaruś. Pavodle siužetu «Uładara piarścionkaŭ», Mordar — heta kraina, dzie hurtujucca siły zła i žyvuć lutyja orki.
Jakoje dačynieńnie mapa maje da minskaha parka dynazaŭraŭ?«Heta niedapracoŭka. Čakajem kali prahramisty prybiaruć», — patłumačyli karespandentu «Našaj Nivy» ŭ administracyi parka.
Hladzicie taksama: Dzie chadzili b chobity, kali b «Uładar Piarścionkaŭ» byŭ u Biełarusi