Minpadatkaŭ prapanavała dać prava svajakam hulniamanaŭ zabaraniać im uvachod u kazino
Kali čałaviek nie choča «zabanić» siabie sam, heta prapanujecca zrabić jaho svajakam praz sud.
Fota z sajta reddit.com
Ministerstva pa padatkach i zborach raspracavała zakonaprajekt, što dać mahčymaść rodzičam zaležnych ad hulniaŭ u kazino zabaraniać apošnim dostup u kazino, raspavioŭ SB načalnik hałoŭnaha ŭpraŭleńnia kantrolu padakcyznych tavaraŭ, ihralnaha biźniesu i elektronnych sistem kantrolu realizacyi tavaraŭ ministerstva Uładzimir Mukvič.
Siońnia čałaviek, jaki adčuŭ zaležnaść ad kazino, bukmiejkierskich kantor ci hulniavych aŭtamataŭ, moža sam sabie zabaranić dostup u kazino: napisać zajavu da administracyi, kab jaho nie puskali. Ale achviara azartu nie zaŭsiody pryznaje siabie takoj, a rodzičy chvalujucca.
Rodzičam chočuć dać mahčymaść zabaraniać zaležnym ad hulniaŭ dostup u kazino ŭ sudovym paradku.
Mahčymaściu «zabanić» siabie ŭ kazino ŭ Biełarusi na siońnia skarystalisia kala 28 tysiač čałaviek. Zajavu možna napisać na termin ad paŭhoda da troch hod — termin niekatorych zajaŭ užo vyciek. Aktyŭnych «banaŭ» zastałosia kala 19,2 tysiač.
Anałahičnaja praktyka jość i ŭ inšych jeŭrapiejskich krainach. Čałavieka, jaki sam sabie zabaraniŭ dostup u kazino, tudy nie puściać, navat kali budzie vielmi prasić.
U Biełarusi byvali vypadki, kali hulcy navat sprabavali pradstavić čužyja dakumienty. Dy kazino pilna sočać za vykanańniem «banaŭ», bo za ich parušeńnie arhanizataru hulni pahražaje administracyjnaja adkaznaść.